,

زيد واوكرانيا

اليوم ثلاثاء يعني يوم المشاركة واليوم مشاركتنا من زيد عن اوكرانيا، زيد كان ب اوكرانيا الاسبوع الماضي وحب يقللكم شوية عنها. زيد سافر ١١ دولة لحد الان وبعده عمره ٢٢ سنة!! زيد يحس انو السفر يعلمه ويخليه يعرف بثقافات غريبة وجديدة عليه. عنده هدف يكون شركته الخاصة بيوم من الايام وشركة تكون على مستوى عالمي.

هاي قصته ويا اوكرانيا!!

بالبداية زيارتي لاوكرانيا سبب زيارة صديقي وبنفس الوقت حبيت اروحهاً اشوف جمال البلد ( الطبيعة الجغرافية للبلد) اول وجهة كانت الي هي خاركوف

(مدينة الطلاب) مدينة خاركوف تعتبر الوجهة الرئيسية للطلاب الي جايين يدرسوا في اوكرانيا بالاضافة لهيك انه خاركوف كانت عاصمة اوكرانيا ايام زمان وهي اقدم من كييڤ،نيجي للتاريخ والمباني  زي ماً حكيتلكم خاركوف كانت عاصمة اوكرانيا ف عشان هيك عادي جدا تكون ف محطة مترو تحت الارض ويكون عمرها ٧٠ سنة وعادي تلاقي مباني من قبل الحرب العالمية الاولى وما زالت مستخدمة ومحافظين عليها طبعا الجميل بخاركوف انها اقدم مدينة باوكرانيا ف اغلب مبانيها من ايام الاتحاد السوفييتي  والحرب العالمية وقبل كمان.

وبخصوص الطبيعة بتجنن والمدينة فيها انهار كثير وبحيرات وطبعا فيها اكبر حديقة باوكرانيا اسمها وهي اسماء بعض الاماكن التي تستحق الزيارة gorgova park, Fledman ekopark ,Botanical garden, Assumption cathedral ومحرقة اليهود الي حرقهم هتلر

طبعا المدينة رخيصة ولا تقارن بالاردن (وين ما بيعيش زيد) ابدا مثال بسيط وجبة بيج تيستي من الماك ب (١.٢٥ دينار = ١.٧٦ دولارتقريبا)، بصراحة انا حبيت المدينة كثير والناس هناك بتساعد اذا سالت بس المشكلة انه الانجليزي شوي مفقود هناك يعني لو ما بتعرف حدا يساعدك هناك رح تكون صعبة بس اذا بتسال ما بتوه

 كييـــــڤ

والي هي عاصمة اوكرانيا حاليا وفعلا انها مدينة رااائعة وفيها اماكن جميلة وفيها اهتمام من الحكومة بما انها العاصمة والاجمل من هيك تصاميم المباني القديمة رااائع يا عمي بشتغلو بضمير طبعا فيها اماكن فيها اهتمام اكثر من قبل السواح الاجانب وخاصة للكنائس والقديمة منها

احلى الاماكن في كييڤ:

Motherland

River dnipro

Almidan

Alvaxzal

فيها كنائس جميلة بتصاميمها ولازم تجرب البوظة الاوكرانية الصبً بتيجي عالوزن بس اشي بجن. وبخصوص المواصلات بالمدن متوفرة لكل مكان لكن المشكلة ما فيها نجليزي وخاصة بالباصات.

الناس في اوكرانيا 

انا صراحة ارتحت بالتعامل معهم وما حسيتهم استغلاليين للعرب بالرغم انه العربي بالنسبة الهم كيسً مصاري وبمشي، شعب لطيف لكن زيادة عن اللزوم منفتحين كثيير ،وبصراحة ناس بتهتم ف نضافة بلدها والاماكن العامة بشكل خاص وقليل ما تلاقي حدا ماشي ويدخن اذا بدو يدخن بوقف عند المكان المخصص للتدخين

بخصوص الاكل الشعبي انا ما جربته صراحة لانه في خنزير واغلب اكلهم في خنزير واذا مش خنزير بكون مش حلال وبخصوص الحلو والكيك وهيك اغلب الحلو الزاكي بخلطو معه كحول

وبخصوص العملة اسمها جريڤن وهي كل٣٧جريفن =١دينار = ١.٤ دولار.

بصراحة انا حبيت خاركوف اكثر بالرغم انه فيها كثير عرب لولا جمال الطبيعة هناك ما حسيت حالي باوكرانيا بس يلاا بتضل حلوة باهلها وانشالله الي زيارة اخرى لها وبجولة اكبر

وافضل وقت لزيارة اوكرانيا بداية شهر٥ لانه الصيف عندهم ببدا بشهر٥!

اتمنى عجبتكم قصة زيد زيد واوكرانيا واذا تريديون تشاركون وتنشرون قصتكم تقدرون تبعثولي ولا تنسون تابعوا صفحتي على الفيسبوك، The Zeina Diary. احبكم هووووووواية.

تقدرون تتابعون زيد على :

فيسبوك: Zaid Sh

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published.